【擁著你,當天溫馨再湧現】張國榮精選推介

十首你一定要識嘅張國榮合輯(上)

每年的 4 月 1 日大家會聯想起甚麼?愚人節?Nono,這是紀念哥哥的日子。他,是張國榮。曾經係香港粵語流行樂壇嘅天皇巨星,只要你仲識唱哥哥的歌,他就好似一直活喺大家心中一樣,從未消失過今次為大家選取十首他的名曲作彈唱樂譜(可能會有Fingerstyle譜架),讓我們用自己的方式去紀念他吧。


(以下歌曲排名不分先後)

1. 當年情

你冇睇過《英雄本色》,都睇過《炸雞特攻隊》啦下話?!

唔知大家有無睇過《英雄本色》?呢套戲係經典港產片!一定要睇!每當聽到佢嘅前奏,就會諗發哥果句「我發誓唔再俾人用槍指住個頭!」呢首歌有幾紅,我諗唔使再多講啦,四大天王,古巨基,古天樂都有翻唱過。甚至遠在韓國都一樣咁受歡迎。早喺八十年代韓風未起嘅時候,張國榮都係好多韓國人心目中嘅男神,《英雄本色》亦係其中一套紅遍東南亞的電影。就連早幾年嘅一套韓國喜劇《炸雞特攻隊》片尾,都有出現呢首插曲作為致敬。

立即打開呢份譜,體驗一下八十年代嘅江湖味啦!

2. 風繼續吹

今年有《風繼續吹》紀念展咁大件事無人講?

大家係咪以為哥哥只係老一輩既明星?錯啦,點可以仲有啲咁封閉嘅思想出現架!今年有零零後既歌迷舉辦一埸名為《風繼續吹》的紀念展,會埸內有多張寫給哥哥的情書,年紀最小嘅「哥哥迷」只有14歲!明明呢個年紀既人係同哥哥擦身而過的機會都無,但佢地竟然有此舉動,實在太令人驚嘆佩服,果然追星係無分國籍年齡架!

立即打開呢份譜,體驗一下哥哥嘅迷人風采啦!

3. 左右手

大家以為呢首係「同性戀」歌,唔通呢首又真係「同性戀」歌咩?

呢首歌曲一直存在好多關於哥哥的爭議,到依家都仲有好多人誤以為呢首係一首「同性戀」的歌。但事實上不然,呢首歌嘅來源,係林夕講緊拖手分手之後,肌膚帶俾自己最貼身嘅感受。大家可以去睇MV了解更多。不過,後來講講下就開始講到哥哥同埋林夕嘅性取向了。

大家除左要 Open Mind,仲記得要 Open Tab 呀!

4. 為你鍾情

唔講唔知,原來哥哥有十個「老婆」

近日有哥哥啲 Fans 展示攝於 1985 年與哥哥的「婚照」,事源係當年為推《為你鍾情》大碟,《勁歌金曲》有抽獎活動-十個幸運女仔可以同哥哥影婚紗相,成為一個有相為證嘅「張太」,而哥哥就無端端多左十個「老婆」,好似好幸福咁呀!平時發夢果陣都會成日 ff 自己同偶像拍拖結婚,原來真係可以成真架,真係諗起都覺得興奮呀!

不得不提好都多人求婚專用嘅,峰校長都有編過 fingestyle!

5. 有心人

要翻唱有翻唱,要改編有改編,仲想要啲咩?

呢首歌前幾年被 GEM 鄧紫棋翻唱完,相信好多人都有聽過架啦。但版本同原曲唔同風格,而且有好多人表示不滿,覺得張國榮的版本是無可取替的。但其實音樂上唔應該有咁多限制,唔需要劃個框框住自己,有時候可以跳出去感受一下,或者會有唔同既想法,或者會鍾意呢~大家有興趣嘅就去Search下聽下支持下二次創作音樂人啦。

聽翻唱之餘都要聽下原曲架,立即打開呢份譜感受一下啦。

十首你一定要識嘅張國榮合輯(下)
編輯
Hayley Wong
Editor