小編哈利找數！之前ig問大家想唔想要
想見你想見你想見你 嘅結他譜
結果反應異常熱烈
於是小編就小試牛刀
第一次錄音同埋編寫結他譜
並做咗小小改編
令到首歌唔同啲又唔太複雜 等大家都彈到
希望大家會喜歡
咁有歷史性嘅一刻 就嚟個Q&A真情剖白啦！
Q：小編哈利點解要學結他？
A：中學一直希望學結他 希望同朋友夾Band
但係又覺得電結他啲聲好刺耳（sorry電結他迷
）
中四個年 偶然一次見到峰校長一次訪問
就覺得彈fingerstyle好型（擦鞋mode
）
同埋覺得峰弦峰語自己編譜 呢件事好有心！
於是膽粗粗咁報名求學…
原來不知不覺已經學咗六年
回望過去 其實無諗過
凡事三分鐘熱度嘅我 居然走到呢步
更加成為咗生活的大部分（因為買結他買到就破產了
）
Q：因為有音樂天份，所以先可以彈成咁？
A：其實唔是
係初班嘅時候 小編係班上進度最落後嘅學生
人哋個個係度彈 師傅明白了（Level 2）
我仲彈緊生日歌 一直落後好多
直至有一次 無意間背咗譜 （天下無雙）
覺得好有成就感 先變得有動力Chur譜
係呢度特別多謝Wilson（小編嘅第一位結他導師）
雖然我成日走堂 又唔練習（細聲啲先）
但你無放棄我 多謝
後來轉班峰校長嘅班
心諗 死梗啦 好似好chur 好嚴格咁
會唔會鬧我㗎
個陣仲係中學生嘅我 真係好驚…
但係其實校長係好和譪可親（除非你一直唔練結他
）
上堂係非常爆笑同歡樂嘅（聽講有好多人唔敢上校長堂 諗多咗啦你
）
然後係呢幾年
衝譜 學拍子 學樂理 學編譜
一次又一次咁「逼死」小編
係咁同我講 你得㗎啦 哈利 你唔係彈唔到呀嘛
等等之類嘅說話欺騙小編嘅感情…
於是突破一次又一次嘅樽頸位
多謝師傅 不斷咁push呢個懶惰嘅小編
小編同大家一樣
所有技術都是拼死練翻嚟嘅
所以 新學嘅同學仔 千祈唔好放棄
彈結他係需要時間
你哋都會練到好似我哋一樣嘅程度
同埋唔好覺得自己資質比人差
要知道 總係有啲人
學得比自己短時間 但係又比自己更厲害
（係呀 無錯 係講緊你 黃x陞同學）
（介紹翻 係彈Señorita個位 ）
Q：有無諗過放棄？
A：其實真係無 因為我覺得如果連自己最鍾意嘅嘢都放棄
咁我真係無得救
同埋去到依家 先覺得自己係真正企係Fingerstyle嘅大門前
仲有好多嘢需要學 需要練
（感覺以前浪費咗太多時間 要勤力啲追翻）
畢竟 要型 係需要付出代價嘅
Q：點樣先可以快速進步？
A：只有一個答案
就係要有一支好彈嘅結他！
咁就啱曬啦，依家即刻嚟峰弦商店…
（咁感性嘅時刻都賣廣告 得唔得㗎..）
放心啦 我哋之後會有大把文章同片教識你哋
所以Stay tuned!
好啦 寫到呢度先
大家如果有咩想問 可以係ig度留言
睇下出唔出到個Q&A下集
再一次多謝大家支持小編寫呢份譜
同學仔們 想要嘅話 唔好怕羞
問你哋嘅導師拎譜啦！
