《如果只得一星期》Guitar Fingerstyle

背後的故事|外景系列

如果只得一星期|你有珍惜的人或事嗎?

如果只得一星期 寧願哪日放開你 以後會更回味

如果所有既關係都一早劃上一個限期,好似麵包一樣印上此日期前最佳,你買之前一早知道幾時到期,你又會點樣利用餘下既時間?

由朝早七點開始,去冰室食早餐,然後睇場早場,一齊食Lunch,嘆杯咖啡再去海旁睇日落散步,行到攰又再坐下,再直落晚飯⋯⋯如是者維持到最後一秒,可能中途咁岩揀左套你唔岩睇既戲、食左間你唔鍾意既餐廳、又或者咁岩嗰日落雨心情唔好,可能會因為所剩既時間唔多,會選擇原諒同忘記,因為始終唔想浪費時間無謂既爭執上面,要好好珍惜每分每秒。

如果你已經諗到點用呢一星期,何必等到呢一星期既來臨?不如由以家開始珍惜你地既時間。

編曲心得|以Harmonic為結尾的原因

這首歌我最喜歡既部份係嗰段純結他既前奏,喺我仲未識彈結他既時候好想學識佢。我聽既時候係大概中學,我諗當時我都無諗過最後會彈埋 fingerstyle 版。中間間奏部份係我自己加入的,令氣氛推高,最後由 Harmonic 結尾。就好似每個故事既結局前都會係故事既高潮,完結後靜靜地回憶返故事入面每一個細節。

P.S. 係咪覺得最後段 Harmonic 好清呢? 有大半功勞歸功於今次我用既結他,佢就係 FURCH 既 ORANGE SERIE,同佢都相處左一段小日子,之後我都會為大家講一講呢枝結他有咩特別之處,認識下 Black Walnut 係咩木。

編輯
Shan Lai
Editor
結他
品牌型號
桶型
Grand Auditorium Cutaway
面板
Sitka Spruce
底側板
Walnut