呢首係小編最喜愛的嘅一首 Rubbenband 作品，沒有之一。但係其實啱啱出呢首歌嘅時候，被朋友介紹推薦聽個陣覺得好一般，可能嗰陣唔係好鍾意啲咁靜嘅風格，但係個旋律好深刻，一直記住咗。大約去到兩年前拎翻出嚟聽，就即刻上咗癮咁款，覺得個結他彈得好好，好有味道。所以一聽到話要做 Ruberband 嘅歌 ，就即刻二話不說做咗呢首，然後又順手地編埋 Fingerstyle 譜了。
本來諗住好簡單咁完成佢嘅，但係唔想浪費咗個咁好嘅前奏，於是就索性將第六弦 Drop D 嚟撞個重複 D Base，但係如果跟住原曲不停彈 D 又好似好悶，就係 Verse 1 個度換咗一個Chord 做 G base 嚟增加嘅層次感，所以扭埋第五弦去 G 了。係咁樣撞撞下嘅情況下，經過幾位導師們嘅建議，最後就成為呢個小編哈利我覺得幾滿意嘅版本了，希望你哋都會喜歡呢個演繹。
