張敬軒【騷靈情歌】

出鞘!小家碧玉的極致甜美溫柔

小編哈利帶咗呢支 Custom 結他翻屋企之後一直都無好好咁認真錄一次音,可能係未到覺得自己可以錄音嘅 Standard,或者編寫咗一份好好嘅譜,搞到每次有同學仔問親我支結他係咩聲,我都唔知點答好。But the wait is over!終於完成了一次感覺幾好嘅 Take 了

話說某日係偶然嘅情況下,執起咗支本身被 Tune 咗 Drop CG Tuning 嘅結他,跟住就無意中就憑感覺彈咗一段仔,點知就被客人同埋同學仔聽到,仲問小編我拎譜,咁返屋企之後就拎起支結他彈,發現原來呢個甜到糖尿病嘅 Tone 係得去呢支結他 Present 得到,於是就覺得應該要好好咁錄一小段。

至於點解要叫「小家碧玉」呢?其實我第一次聽到已經非常著迷,第一次聽完已經有種翻唔到轉頭嘅感覺,又唔大聲但係又好好聽,好有一種文質彬彬大小姐嘅味道。係之後換結他嗰陣試咗好多唔同品牌嘅結他,都覺得差咁小小嘢咁(係嗰一刻先發現自己原來鍾意極度 Unbalance 同有個性嘅木結他)。於是係苦苦哀求嘅情況下,最後前主人好唔忍心咁讓咗俾我,再次係度多謝前主人割愛,希望我拎到呢種聲音無辜負你(唔好再發牢騷啦,最多多啲帶嚟俾你彈下 lol)。

叫得「小家碧玉」當然唔只咁簡單,呢個時候就帶小小木頭嘅知識比大家了。一般 Spruce (雲杉木)都會發出比較穿透力強嘅聲音,但其實都有例外。就好似我呢塊 Lutz Spruce 咁,佢係 Sitka 同 Englemann 嘅混種,密度相對上無咁高但係又保留咗個種潤滑嘅中高音,所以個爆發力唔算好高,但係個高頻就會比較甜。配合埋最世界上貴嘅玫瑰木 - 巴西玫瑰木所帶嚟嘅 Blooming 同 Reverb,加強咗個音色個延伸性同中頻嘅回音。所以其實佢一開始真係好難操控,因為係第五格打後,佢係你意想不到嘅位置突然彈多下延音(後尾先知到係巴西玫瑰木獨有嘅 Blooming Effect, 即是係個音  decay 就消失個陣會有多下音走出嚟, 可以聽下啲 Slide),就好似 86 咁要開到某個轉速先會發揮到極致嘅感覺,極度有性格,所以同時都練到自己以後嘅右手拎聲都非常習慣拎得偏柔。

最後,呢個版本其實都好跟 Feel 隨心彈,無咩特別係樂理  Voicing 雕琢上,所以可能同原曲/份譜有小小出入(戴翻頭盔先)。樂譜已經放咗上 .Pro,希望大家鍾意呢個 演繹,又彈得開心。

編曲者
Harry Ho
Editor
結他
品牌型號
Custom Funguitar Custom for Harry H.
桶型
Orchestra Model (OM)
面板
Lutz Spruce
底側板
Brazilian Rosewood
錄音資料
結他調音
CGDGBE
結他弦線
Pyramid String 0.12-0.52
錄音器材
Neumann KM 184
錄音咪前級
Sabatron AXIS200VU
錄音介面
Antelope Pure2
混音
Long Fung Tam
歌手資料
張敬軒