難得又等到 CAllstar 集合，加上首歌咁感動，點可能忍到手唔彈呢？今次用上 DGDGAD 嚟個簡單嘅編曲，再試埋歐洲手工琴 Dowina Guitars 新到嘅 Purple Heart，fit 晒啦！
Purple Heart 呢種底側板嘅結他喺坊間真係好少見，有 Maple 嘅清脆，少少乾身，但有少少 Rosewood 嘅甜度，係一款好有自己個性嘅底側板。以至男同學們都對佢又愛又恨，愛佢嘅音色嘅同時，又怕自己 carry 唔到呢隻顏色，但呢種天然紫薯色真係好引人注目，咩 fo 都俾支結他搶晒啦。
