來至中歐的爽朗男人？｜簡單直接滿足你嘅耳朵
講起嚟歐洲嘅斯洛伐克，你會諗起啲乜嘢？木偶？陶瓷？今日店長會介紹一樣來自斯洛伐克嘅手工藝品 - Dowina 木結他。Puella 係 Dowina 入門手工結他，即使係呢個等級，佢哋係聲音調整同造工上花咗好多心思，所以出嚟嘅感覺非常有特色。就等店長我比3大原因你，等 Puella Carry 你嘅結他入門彈唱之路！
大家覺得呢個樣似咩呢？訓係度嘅方包！？
木如其名？｜ Dolomite 爆發力驚人
一支需要伴奏嘅木結他當然需要足夠嘅音量啦！一般比較經濟啲嘅木結他通常有個問題就係比較細聲。除咗作為觀眾嘅聽感問題之外，其實音量足夠嘅結他都同時容易反映使用者彈奏嘅音色，從而令到初學者更快掌握自己不足。
Dowina Pullea D 用上 Dolomite Spruce，再加上大桶身，係細室內環境幾乎唔需要開 Amp 已經夠聲，背板用上 Laminated Sapele，佢比起一般桃花心木嚟得更通透，中高音更加突出，等成支琴聽落好爽好精神。
沙比利木比一般桃花心反應更好
白到反光｜純樸嘅外觀非常討喜
外表方面，店長我只有一個評語，好白！Dolomite Spruce 其實係歐洲雲杉嘅一種，而呢種木材出名夠曬白！如果夠好彩，仲會有機會遇到熊抓紋，令支結他有番啲貴氣係度，非常獨一無二。佢上面仲有一層薄嘅塗層，用嚟保護個面板。如果你係鍾意好 Raw ，鍾意摸木嘅朋友們，呢支咁靚仔嘅木結他一定會係你杯茶！
乾淨 爽朗 係個外表度就見得到
性價比極高｜4500 蚊歐洲琴只在峰弦專門店！
一般呢個價位嘅好多都係來自內地嘅工廠，但係 Dowina 呢間歐洲琴非常有誠意，所有原材料都係斯洛伐克度挑選，保證佢有一定嘅音量同通透度，非常適合需要伴奏同用 Pick 嚟掃和弦嘅結他手。Dowina 非常有心，佢哋知道香港天氣比較潮濕，所以下弦枕嘅設計擁有一定嘅深度，有更大嘅調整同 Setup 空間。單單係呢啲細節，已經令到越嚟越多嘅入門彈唱者追捧！
.Pro 會員更加享有 9 折優惠，峰弦結他專門店更有現貨，歡迎點擊 Whatsapp 聯絡我們連結更多。如果聽下支琴嘅聲音的話，可以參考下由峰弦導師 呀 yo 所彈奏嘅銀河修理，同埋店長彈嘅呢首 - 周興哲 終於了解自由嘅 Fingerstyle。
