【逆流樂隊】RubberBand 精選合集

十首你不可不識嘅 Rubberband 勵志之作(下)

Photo Credit to Editor's Friend

小編想分享一件趣聞,有人問,「咦?乜 Rb 唔係五個人架咩?」Oh what?!都唔可以話佢錯嘅,Rb 曾經係五個人,但係藝琛係 2010 年嘅時候已經離左隊,變左四個大叔好耐了哈哈,同埋依家佢地已經係一隊自負盈虧嘅獨立樂隊,無唱片公司架。

下面五首歌都係繼續無私心嘅排序。

6. Simple Love Song

這首歌,真的不是一首普通情歌。

呢首歌嘅歌詞係非常之洗腦,配樂旋律又易記,呢首歌編曲好特別(阿正好波),首歌係利用左 D base 進行唔同變位和弦,用一線 Open string Fingering 製造層次,中間亦用左大量 maj7 ,令首歌滲透一股 Light Jazz 的味道。我非常之建議大家解鎖完整樂譜!!咁好聽的歌不能只有我聽到!!


Woo~I cant write simple love song , just cant write simple love song. 

7. 心照一生

香港電影《掃毒》片尾曲

人在江湖,身不由己。兄弟情同手足,有福同享,有難同當。小編覺得人生如果可以遇到幾個知心好友好兄弟,真係要好好珍惜,陪你玩陪你呻陪你癲仲可以陪你到老,不枉此生添啦。

8.睜開眼

喂!(輕拍)醒啦喂!!

一開始聽到呢首歌嘅時候我以為呢首歌係近呢幾年寫,但望下佢地首歌嘅發布日期-2012年。唔果然係活左幾十年嘅大叔,將世事都看透。不過小編相信「裝睡的人,你永遠叫不醒」,話哂都已經咁多年啦。呢首歌詞顯淺易明,我諗我唔需要再多講啦。


拿拿聲,去譜啦!

9. 逆流之歌

話說,店長哈利同我講《逆流之歌》個MV佢有份做臨記,不如大家幫手用放大鏡睇下?

男人們,你有幾耐無試過好好咁熱血一番?至從離開咗學校踏入社會之後,好多時候都會被工作磨蝕自己嘅鬥志。但係最重要嘅係,你,到底有無勇氣搵到真正屬於你嘅出口?「女人,錢,呢啲其實都好表面,最緊要嘅,係尊嚴。」


大家一齊跟住份譜嘅節奏熱血搖滾吧!

10. 漫長

呢條路好似跑全馬咁好長好遠,無論如何都一定要會跑完,希望大家唔好中途放棄。

人生流流長,總不會一帆風順,總會遇到不幸事、好荒謬嘅事,我地控制唔到件事會唔會發生/會點樣發生,攰咪去抖下囉,就算係聖人都會做錯,機器都可以壞,人自然亦會攰。大家可以做嘅就係鬥!長!命!個人無事先做到世界冠軍架嘛!


趁仲有手有腳行得跑得跳得嘅時候,要彈多啲好聽嘅歌,比耳朵享受下啦!

撳呢到立即睇【永遠來自香港嘅樂隊】RubberBand 精選(上集)
編輯
Hayley Wong
Editor
funguitar.pro 小編之一,有個花名叫「蕃茄妹」,原因係我好易變蕃茄。返呢份工我以為會多左好多時間彈結他,但實情係我有千千萬萬咁多樣野要做,都係唔講咁多啦我出返去做野先。