【現貨測評】Cedar 就唔可以拎嚟伴奏!?

實測 Furch Indigo CY /Dowina Danubius 話你知!

伴奏音色淺談|Cedar面板木結他 彈伴奏到底可唔可行?

一般嚟講,店長我會建議需要伴奏或者自彈自唱嘅結他手選擇 Spruce 面板嘅木結他,因為 Spruce 嘅穿透力同反應會比係 Cedar 好,音量都會比較大,同時比 Redwood 甜。所以會相對能夠應付多啲嘅場合,泛用性多啲。

Cedar 比較多集中係中低頻,所以音色偏暖偏軟熟,所以係 Touching 上未必做到快速嘅反應,甚至因為高頻唔係好夠集中,係掃 Chord 嚟講會比較輸。但係有時候,當你需要彈一首慢歌伴奏,又你得一支木結他個時候,Cedar 嘅包圍感反而會令到你成個作品嘅 side 嘅 tone 都會更 Warm。

經過實測之後,兩個歐洲品牌嘅入門級別嘅 Cedar 面板木結他,係音色都非常靠得住,唔會散得太開。

穩定輸出|Furch 真係錄音師們嘅好夥伴!

Indigo G-CY  係其中一個入門的系列,Furch 木結他音色嘅穩定度,令到結他手彈奏 Fingerstyle 彈唱都完全無問題。結他的面板和底側板以實木 Western red cedar 配搭 Layered mahogany。

Furch Indigo 嘅琴聲偏暖, 用嚟錄 cover 落 Mic 都唔會太乾,可以彈到幾 Rich 嘅 Bass,佢個高音係入門級別嘅 Furch 都做到清晰穩定嘅效果, 係彈 Solo 嘅時候好 balance。以一支歐洲大廠嘅琴嚟講,呢個價格相當適合初階發燒而又只有有限預算的朋友。

以下就等大家睇下示範片段啦!

同時都希望大家鍾意,多多支持 Follow 呢位 Vocal。

IG:@chilljengmusic





性價比之王|Dowina Danubius Gac-C 聲音辨識度夠高!

Danubius Cedar 面板配合 Laminated Ebony 底側板讓強烈結實的聲音同時擁有溫暖的感覺,尤其是在中低頻的位置。同時成為這個系列中顆粒感與細緻度最高的一款。比較同價位嘅結他 Danubius 嘅中低強都呈現更好嘅包覆感,同時聲音質感上 都非常貼近 Full Soild 嘅結他。

伴奏方面,係低靶位個音色幾 sharp,有線條又夠力,就算係得一支結他都可以 support 到歌手。聲音同時都好高辨識度,唔會太搶 Vocal 聲線之餘,又會聽到知結他歌 line 行走緊。

以下就等大家睇下示範片段啦!

同時都希望大家鍾意,多多支持 Follow 呢位 Vocal。

IG:@Sumsoull


Taeyeon - IF 粵語版 by Sumsoull

唔知到大家又鍾意邊隻呢?貪心想親身感受曬兩個款色?無問題,歡迎聯絡我哋,或者親身上力峰弦商店試琴。如果有任何關於購買木結他嘅問題,歡迎向我哋查詢,無論入門還是發燒友,我哋都會為你免費提供最專業嘅資訊同建議。

歡迎 IG DM / WhatsApp 6611 1035查詢 / Email [email protected]

門市地址:彌敦道 566-548 旺角大樓12B(油麻地站 A2 出口旁)

編輯
Harry Ho
Editor
峰弦商店店長
偶有Fingerstyle作品 偶有自家創作
會花錢買裝備 沒錢買粉絲買Like
所以請不要追隨我的步伐 請追隨我的IG
多謝合作
IG:@agravic_rabbit